அருணை பொறியியல் கல்லூரியில் கலைத்திருவிழா

திருவண்ணாமலையில் புகழ்பெற்ற கல்வி நிறுவனமான அருணை பொறியியல் கல்லூரி (தன்னாட்சி), இதன் சிகர நிகழ்ச்சியான ஆண்டு விழா மற்றும் ‘AECOFEST-26' கலைத் திருவிழா கல்லூரி வளாகத்தில் மிகப்பிரம்மாண்டமாக நடைபெற்றது.

இந்த விழாவிற்குத் தாளாளர் வி.சங்கரி தலைமை தாங்கி, குத்துவிளக்கேற்றி விழாவைத் தொடங்கி வைத்தார். கல்லூரியின் துணைத் தலைவர் எ.வ.குமரன்,முனைவர் பதிவாளர் ஆர்.சத்தியசீலன் ஆகியோர் முன்னிலை வகித்தனர். முனைவர் முதல்வர் சி.இளஞ்செழியன் வரவேற்புரை ஆற்றி, கல்லூரியின் சாதனைகளை உள்ளடக்கிய ஆண்டறிக்கையைச் சமர்ப்பித்தார்.

இந்நிகழ்ச்சின் தொடக்கமாக மதியம் 2 மணியளவில் பிரபல பின்னணி பாடகர் செந்தில் தாஸ் மற்றும் அவரது குழுவினர் வழங்கும் இசை நிகழ்ச்சி தொடங்கப்பட்டது. இந்நிகழ்ச்சியில் துள்ளலிசை மற்றும் மெல்லிசை பாடல்கள் மூலம் மாணவர்களை உற்சாகப்படுத்தினர். உடன் கல்லூரி மாணவர்களும் சில பாடல்களை குழுவினருடன் இணைந்து பாடினார்கள்.

மாலை 5.30 மணியளவில் கல்லூரியின் திறந்தவெளி அரங்கில் மாணவ, மாணவியரின் நடனம், நாடகம் உள்ளிட்ட பல்வேறு கலை நிகழ்ச்சிகள் "DANCE, MUSIC, GENZ In Action" என்ற கருப்பொருளில் நடைபெற்றது. இதில் கல்லூரி மாணவர்கள் தங்களின் தனி திறமைகளை வெளிப்படுத்தி உற்சாகமாக நடனமாடினர்.